'Open letter' ni Maine Mendoza, trending sa social media

Naging matunog kamakailan sa social media ang "open letter" na naglalaman ng kanyang saloobin hinggil sa kanyang mga fans.

Sa nasabing sulat o post, bagama't nagpapasalamat siya sa suporta ng mga fans sa naging tambalan nila ni Alden, pakiramdam umano niya ay tila ba nasa isa siyang kahon.

“I am grateful to have all of you who have walked this path with me. But I need to be honest, I am at this point where I feel like I live in a box," ika ng aktres.

"I have not been able to do what I want and say what I feel because every time I try to express my thoughts and feelings,someof you tend to misapprehend and invalidate them in so many ways. Telling me I am not supposed to feel that way because I am ‘rich and famous.’ Telling me I have no right to be sad and hurt because I have everything a person could ask for. Judging, blaming and getting mad at me for expressing what I truly feel just because you do not agree and it is inconvenient for you. Dictating me what I should feel and should not feel.Ang hirap," dagdag pa niya.

Sa hulihan ng kanyang letter, humiling siya ng respeto mula sa mga tao.

"Naiintindihan ko na pinoprotektahan niyo lang kami, at nagpapasalamat ako sa lahat ng ginagawa niyong pagtatanggol sa amin, pero sana maintindihan niyo din na hindi kailangan maliitin ang pagkatao ng iba. Hindi niyo sila kailangan tirahin ng masasamang salita," wika niya.

Source: Bombo Radyo (http://www.bomboradyo.com/maine-mendoza-aka-yaya-dub-may-hiling-sa-mga-fans-nila-ni-alden-richards/)

3 Epektibong Tips Para Maiwasan ang Cancer

Hindi maitatangging maraming mga tao ang takot sa cancer o ayaw magkaroon nito. Bukod sa magastos ang pagpapagamot nito, maaari pa nitong maapektuhan ang ilang mga bahagi ng katawan.

Upang maiwasan ang nakamamatay na sakit na ito, naririto ang ilang mga paraang maaari mong isaisip:

• Mag-detoxify. Uminom ng walo hanggang 10 baso ng fresh at purified na tubig araw-araw. Siguruhin ding magbawas araw-araw.

• Kumain ng mga berdeng pagkain at iyong mga pagkaing mayroong high-fiber content. Nalalabanan din nito ang acidity sa katawan na siyang nagdudulot ng cancer.

• Palakasin ang immune system. Bukod sa pag-eehersisyo at pagkain ng masusustansiyang mga pagkain, maigi ring uminom ng vitamin-mineral supplement.

Mga Mabisang Prebensyon sa Depresyon

Nakararanas ka ba ng matinding lungkot, pagkawala ng ganang kumain, pag-iisip ng mga negatibong bagay at hindi normal na pagtulog? Ilan lamang ang mga ito sa mga sintomas ng depresyon.

Kaya naman, marapat itong agapan at lunasan bago pa lumala ang lahat.

Naririto ang ilang mga mabisang prebensyon ayon sa librong “Home Remedies: A guide to symptoms and cures” ni Dr. Caroline Shreeve:

Counselling – Kung mayroon kang hindi pa nareresolbang trauma sa iyong nakaraan, kailangan mong magpatingin sa isang espesyalista para mabigyan ka ng nararapat na therapy.

Makipag-usap – Magandang ibahagi mo sa iyong mga kaibigan, katrabaho, kapamilya o maging sa iyong boss ang iyong mga nararamdaman o ang iyong problema.

Maging malay sa mga senyales – Ang biglaang pagbaba ng timbang, pagkawala ng appetite, at paggising nang maaga ay ilan lamang sa mga senyales.

Makatutulong din ang mga sumusunod na pamamaraan para malunasan o maiwasan ang iyong depresyon:

1. Nakatutulong ang outdoor exercise, kagaya ng jogging, sapagkat nakatutulong ito sa pagpo-prodyus ng endorphins sa katawan.
2. Nakatutulong din ang pagkain ng fresh fruits at vegetables at pag-inom ng mga fresh juices.
3. Maiging kumain ng mga isada, pabo, dried dates at saging -- nakapagpapataas ito ng serotonin sa utak, na karaniwang mababa sa mga depressed na mga indibidwal.
4. Maligo ng maligamgam.
5. Magpamasahe.
6. Mabisa ang aromatherapy, lumanghap ng rose at ylang-ylang essences halimbawa.
7. Ayon sa mga eksperto, uminom din daw ng multivitamin / mineral supplement, vitamin C with bioflavonoids at B vitamins -- may stress-relieving properties ang mga ito.

Bago pa mauwi sa malalang sitwasyon, maiging agapan ang sakit na ito.

*Basahin din: philippinesjapan,com at viralnewspilipinas.blogspot.com.

Tips Para Ma-enjoy ang Pamamasyal Kasama ang mga Anak

Ang pamamasyal kasama ang pamilya ay isa sa mga hindi malilimutang karanasan.

Sa mga magulang, ito ang pagkakataong maka-bonding nila ang kanilang mga anak, pagkatapos ng linggo ng pagtatrabaho. Kumbaga, ito ay isang mabisang paraan para matanggal ang stress, gayundin para magkaroon ng update mula sa mga anak.

Sa mga anak naman, ito ang tyansang makapunta sa ibang lugar, makakilala ng ibang tao, at mapataas pa ang kumpyansa sa kanilang mga sarili. Sa paglaki, napakahalaga kasing marunong ang inyong mga anak na makipag-socialize at ma-expose sa ibang mga lugar (bukod sa inyong lugar na kinalakhan).

Naririto ang ilang mga tips na kailangang isaalang-alang para siguradong mag-enjoy ang buong pamilya at ituring ng inyong mga anak na hindi malilimutang karanasan sa kanilang buong buhay ang inyong pamamasyal:

1. Bigyan sila ng freedom. Tandaan na, kaya kayo namasyal para ma-expose sila sa ibang mga tao at ibang kapaligiran, kaya kahit papaano, bigyan sila ng freedom. Gayunpaman, 'wag silang masyadong pabayaan. Maging cautious pa rin sa mga ginagawa at sa mga kinakausap ng mga anak para sa kanilang seguridad.

2. 'Pag lumalabas habang nasa bakasyon, 'wag ipasama ang mga mamahaling gadget ng inyong mga anak. Kapag nawili na kasi ang anak sa pakikipaglaro, halimbawa, sa mga bagong kakilala, maaari nilang makalimutan na may dala-dala silang mga mamahaling gadget. Maaaring mawala ang mga ito o ‘di kaya manakaw sa kanila.

3. ‘Wag isabay ang pagbabakasyon sa petsa kung kalian papalapit na ang mga pagsusulit ng mga anak. Maaaring hindi makapag-concentrate sa pamamasyal at, siyempre, hindi makapag-enjoy nang husto ang inyong mga anak, kung saka-sakali. O ‘di naman kaya, ang mas malala nito, baka mababa ang makuha nila sa eksaminasyon.

4. ‘Wag pagalitan ang inyong mga anak sa gitna ng maraming tao. Oo’t maaaring nagkasala ang inyong mga anak. Subalit, ‘wag na ‘wag silang pahihiyain sa ibang tao. Maaari nila itong matandaan at dibdibin na maaaring makapagdulot ng gap sa pagitan ninyo ng inyong mga anak.

5. Ikonsidera rin ang pagkain. Baka kasi maselan sa pagkain o tubig ang inyong mga anak. Kaya, pwedeng magbaon ng mga homemade na pagkain o ‘di naman kaya ay ibilhn sila ng pagkain, halimbawa ay delata, na siguradong nakakain ng inyong mga anak.

Gawing kapaki-pakinabang ang pamamasyal kasama ang inyong mga anak, kasama ang inyong pamilya. Sapagkat, sa ganitong pagkakataon lumalalim ang respeto at pagmamahalan sa bawat isa sa pamilya. Gawing hindi malilimutang karanasan ang inyong susunod na pamamasyal!

Iwasan ang “Stress-Speak”

Marahil, nitong nakaraang taon, nasanay tayo lagi sa mga linyang may indikasyon ng pagmamadali. Tulad halimbawa: “Kailangan kong tumakbo kasi late na ako;” “Kailangan kong madaliing tapusin ito kasi magagalit sa akin ang boss ko;” o ‘di kaya “Kailangan kong mag-cram ngayong gabi kasi may mini-meet akong deadline.”

Kung aminado kang nasa bokabularyo mo ang mga kataga sa itaas, panahon na para matauhan. Maniwala ka, hindi nakakatulong ang mga ito sa’yo. Sa halip, nakakapagpatanda pa ito nang maraming beses sa iyo. Ito’y dahilan sa, ang mga linyang ito ay nagbibigay ng signal sa iyong katawan na magpalabas ng adrenaline, kung kaya ikaw ay nai-stress nang lalo.

Sa halip, maging conscious ka sa iyong mga pananalita. Kailangan mong i-reprogram ang iyong mga bokabularyo. Pwede mo namang sabihing, “Ayusin ko lang ito, kasi kakailanganin bukas,” sa halip na “Kailangan kong magpuyat dahil deadline ko na bukas.”

Makakatulong din kung humingi ka ng tulong sa Panginoon. Maaari mong idulog sa kanya ang iyong mga pangangailangan. Makakagaan ito sa iyong mga dinadala. Isa pa, hindi ka pa tatanda nang husto sa kakaproblema.

Gumamit ng Mind Map

Marahil, nagtataka ka kung ano ang mind map o mind mapping. Ang mind mapping, kagaya ng idinidikta ng pangalan nito, ay isang teknik para madaling mailatag ang mga nasa isipan ng isang indibidwal o ng kausap.

Partikular itong nagagamit ng mga tao sa trabaho kapag sila ay nagdo-dokumento ng mga meeting o nakikipag-usap sa superior o mga kliyente.

Sa pamamagitan nito, mas madaling nailalatag ang instruksyon, halimbawa, ng isang tao. Ito’y sapagkat nakakagawa ito ng istruktura, mula sa pangunahing paksa hanggang sa mga maliliit na detalye.

Ang FreeMind at Xmind ay ang mga nangungunang sistema sa mind mapping. Maaari itong i-download ng sino man sa kani-kanilang laptop nang sa gayon ay magamit sa tuwing nakikipag-meeting.

Ang kagandahan nito, kapag ipina-recap sa iyo ng iyong boss ang mga napag-usapan ay madali mo lang itong mailatag.

Ang mind mapping ay isa ring mabuting skill na kailangang matutunan ng isang empleyado nang sa gayon ay mas mapadali ang kanyang trabaho, para mas masaya ang pagtatrabaho.

Sigurado, mai-impress sa’yo ang kausap mo.

(Ang artikulong ito ay nai-publish sa March 2014 issue ng Daloy Kayumanggi. I-tsek ang daloykayumanggi.com o 'di kaya'y bisitahin at i-like ang www.facebook.com/daloykayumanggi.)

Paano Mapapaunlad ang Self-esteem

(Ang artikulong ito ay nai-publish sa January 2014 issue ng Daloy Kayumanggi. I-tsek ang daloykayumanggi.com o 'di kaya'y bisitahin at i-like ang www.facebook.com/daloykayumanggi.)

Napakalaking issue ng self-esteem, lalung-lalo na sa mga kababaihan. Kung mababa ang iyong self-esteem, siguradong maaapektuhan rin ang iba’t ibang aspeto ng iyong buhay--partikular na ang pakikitungo mo sa ibang tao.

Kaya naman, maiging matutunan mo rin kung paano mo mai-improve ang iyong self-esteem. Naririto ang ilang mga mabibisang tips:

• I-visualize mo ang iyong mas improved na sarili. Halimbawa, ano kaya ang magiging itsura mo kung mas confident ka? Paano kaya ang iyong magiging itsura ‘pag naayos mo ang iyong looks? Paano kaya ang itsura mo kung natutunan mong maglakad o gumalaw na may oozing confidence? Upang talagang mapasama sa iyong sistema, maiging gawin mo ang routine na ito araw-araw.
• Gumawa ka ng iyong Plan of Action. Tandaan: Hindi rin magiging pangmatagalan ang iyong resolution kung wala kang nailalatag na maayos na plano. Gamit ang isang notepad / notebook, ilista mo ang iyong mga ispesipikong plano na may kinalaman sa pagpapa-unlad ng iyong self-esteem. Halimbawa, isama mo sa iyong listahan o plano ang pagbabasa ng ilang mga motivational guide books o articles para magkaroon ng self-confidence.

Ang mga tips na ito ay mabisa. Ang kailangan na lang ay kung papaano mo ito ngayon isasama sa iyong pang-araw-araw na pamumuhay. Pero, kagaya ng nabanggit na, kung magagawa mong paunlarin ang iyong self-esteem, marami ang mababago sa iyong buhay.